德記潮州菜館 + 缽仔糕婆婆 ~ 陪太陽落山

某日下午五時由龍虎山行上山頂 ，

行行下見到太陽落山。

明明上山的自己，

卻轉了軚跟太陽向西行齊齊落山。

一直落山， 

好多樓梯級，

來到蒲飛路油站巴士站，

過對面馬路去寶翠園，

沿著樓梯向下行轉轉轉，

去到西寶城 ，

望過對面馬路，

見到久仰的「德記潮州菜館」。

比想像中大很多的餐廳。

未夠六點都要等一陣，

世界真細少，

還遇上表姑媽的糧尾救星。

* * *

吃潮菜早有心水，

根本不用花時間睇餐牌。

胡椒豬肚湯，

咸菜可走。

胡椒太輕手了吧。

未飲完第一碗湯，

鵝片駕到。

比預期好味。

賣相乾淨企理。

吃了兩片鵝片，

豆苗就到。

是今個冬季第一次吃豆苗。

影完相夾豆苗入口之際，

椒鹽白飯魚及墨魚卷拼蝦棗同步端來。

本人還是喜歡泰式的炸蝦餅多一些。

雖然舒適地坐在有椅背的櫈上，

枱上有茶壺有枱布，

服務員亦相當有禮貌，

卻有一份莫名的不自在感，

正如街坊所說，

是「澳洲牛奶公司」用膳的感覺。

離開餐廳時，

外面十分熱鬧，

多人到呢。

隔離枱有十多人，

小朋友約有四至五人，

竟然沒有一人玩電話，

而且自己夾餸食。

「德記」門口，

終於有幸地認識缽仔糕婆婆，

看她笑得多美。

買了糯米糍及缽仔糕各兩個。

缽仔糕好多豆 (top view)

橫切面是這樣的。

當表姑媽搏晒老命把長竹簽拆出來放在碟上吃時，

大頭蝦問表姑媽究竟有冇食過缽仔糕。

車!

表姑媽食缽仔糕時大頭蝦都未出世啦!

當年中環一帶有兩位叔叔賣缽仔糕的。

一位是穿背心，高高瘦瘦面長長的阿叔，

論靚仔，

他當然不及另一位鷹鼻阿叔，

一面拖住佢女人一面賣缽仔糕的那位。

至於糯米糍，

是表姑媽喜歡的味道。

內有花生芝麻餡。

下次再走去買幾個糯米糍食下先，

不過潮州菜還有很多比較輕鬆的選擇。